Schwizervolk
Max Lienert
- C -
- 1 -
Schwizervolk, di Platz uf Aerde,
isch vom Schönste, was si treit.
Nie darf übermüetig wärde,
wäm das Leh i d'Hand isch gleit.
Volk, das vieli Sprache spricht,
Land, wo Völker sich vereint,
zeig der Umwält still und schlicht,
wie's der Schöpfer wohl het gmeint.
- 2 -
Schwizervolk, herb isch dis Wäse,
sänkrächt doch und gsunder Art.
Wär im Schwyzerhärz cha läse,
findet Chraft und Güeti paart.
Heimat für bedrängti Seele,
Hälfer du in grosser Not,
lah der Bundesbrief erzelle,
wo vor Gwalt scho d'Freiheit stoht.
- 3 -
Schwizervolk, uf dine Bärge,
i der Stadt, i Dorf und Land.
Chlinod, das der Herr uf Aerde
dir het gleit i dini Hand.
Zeig di würdig däm Vertroue,
mild und gläubig, starch und treu!
Was die Ahne dir hei boue,
schaff du immer wieder neu!