s'alte Lied
Werner Felder
- 1 -
No ruuschet i de Böime
dr Wind sis alte Lied.
No ruuschet froh mis Bächli
dür’s Reindli ab, dürab i ds Ried.
Du liebi Zyt, i blibe schtah,
und tröime allem Schöne nah.
- 2 -
No chöme d’Schwälbli z’flüüge
im Früehlig über’s Meer,
deheime undrem Dächli
da blibt keis Näscht, keis Näschtli läär.
Du liebi Zyt, s’isch alls no da,
wien is als Chind ha übercho.
- 3 -
No louft im Dorf dr Brunne,
er choslet wie vor Zyt.
Andächtig tueni lose,
was i sym Ru-, sym Ruusche lyt.
Sis alte Lied, i has vernoh,
nime’s mit im Wytergah.