Sängerfründe
Therese Aeberhard-Häusler
- Fis -
- 1-
Los wie d'Jodler fröhlech singe, dert bir Hütte nah dr Flue.
Ärdeschön ertönt es Jützi dür die stilli Aberueh.
So ne Melodie treit Friede wit dür d'Wält i gar mängs Härz;
cha vertriebe i dr Frömdi mängem gar dr Heiwehschmärz
Bässe Mängem gar
dr Heiwehschmärz
- 2 -
Zieht es mi i frömdi Länder, möcht i furt vo Hus u Hei;
han i gli de Längizyti, ohni Fründe bisch alei.
Fähle tüe mir all die Bärge, s'Jodellied vo üsem Land;
drum stahn i ou i dr Frömdi treu zum schöne Trachtegwand.
Bässe stahn i treu
zum Trachtegwand.
- 3 -
Chömet Jodler, mir wei singe, zämestah u fröhlich si.
U dä Tag so richtig gniesse, schöni Stunde göh verbi.
Sängerfründe wei mir bliebe, gäng zu üsem Liedguet stah;
so chöi mir mit üsem Würke einisch z'friede d Wält verlah.
Bässe z'friede d Wält
ja d Wält verlah.
- Schluss -
Jodlerfründe wei mir si