Meyetag
Adolf Stähli
- G -
- 1 -
E prächtig schöne Meyetag
isch überall im Wärde;
es grüent u blüeyt i Boum u Hag,
der Winter flieht i d'Bärge,
der Winter flieht i d'Bärge.
Es Finkli singt im Obschtboumschlag
u wünscht der Wält e guete Tag.
Es Finkli singt im Obschtboumschlag
u wünscht der (2.T: ganze) Wält e guete Tag.
- 2 -
Ja, so ne liebe Morgegruess
weckt üser Läbesfreude;
mi wandret jitz dür d'Fälder us,
dür Wald u Alpeweide,
dür Wald u Alpeweide.
A jedem Wäg, a jedem Pfad
lit öppis Schöns für di parat.
A jedem Wäg, a jedem Pfad
lit öppis (2.T: Wunder-) Schöns für di parat.
- 3 -
We doben uf der höche Weid
e junge Tag erwachet,
we ds Bärgli mit sym Bluemechleid
der Sunn' entgäge lachet,
der Sunn' entgäge lachet,
de schicken i vo'r Spitzeflueh
zum Dank e Jutz em Himmel zue.
De schicken i vo'r Spitzeflueh
zum Dank e (2.T: frohe ) Jutz em Himmel zue.