Läbesfreid
Edi Gasser
- F -
- 1 -
Duett: Wie gärn g'sehn i der Früehlig cho,
d'Natur erwachet und es stimmt eim froh,
wenn Chraft u Saft i d'Pflanze schiesst
u d'Sunne erschti Blueme grüesst!
Klub: Da läbt me uf, es git nöji Chraft,
i wünschti jedem dass er's schafft!
Da läbt me uf, es git nöji Chraft,
i wünschti jedem dass er's schafft!
- 2 -
Duett: Wenn ds Graas u d'Blueme ryffe tüend,
de wüsse d'Bure was sie schaffe müend!
Vo Chelch zu Chelch es Beji flügt,
der Gruch vom Heu i d'Nase stiegt!
Klub: Wär das nid kennt, i bedur ne fascht,
s'wär ds Beschte gäge Hetz u Hascht!
Wär das nid kennt, i bedur ne fascht,
s'wär ds Beschte gäge Hetz u Hascht!
- 3 -
Duett: Löh d'Herbschtböim aber d'Bletter gah,
de hett d'Natur scho ihri Arbeit tah!
Der Winter chunnt,mach d'Schii parat,
s'isch d'Zyt wo ds Härz halt schnäller schlaht!
Klub: Wie schön we's stübt so im früsche Schnee,
wär's da nid packt,dä wett i g'seh!
Wie schön we's stübt so im früsche Schnee,
wär's da nid packt, dä wett i g'seh!