Heizue
Hans Walter Schneller
- C, A, F -
- 1 -
Jez, Dörfli, bin i byder gsy,
bi dür di düre gange,
jez lueget d'Wält ganz anders dry!
Ha mängs Jahr müesse plange.
Tenöre:
All Tag isch ds Heiweh mit mir cho.
Klub:
Uf allne myne Wäge.
Ja, Dörfli, gäll,
du gloubsch mer's scho,
dir darf is liisli säge.
- 2 -
Jez ha'n i dyni Glogge ghört,
den alte Lied're gluschet;
by mängem liebe Fründ ykehrt
und Freud und Leid ustuuschet.
Tenöre:
Em einte het d'Zyt Säge gstreut.
Klub:
Em andere meh Sorge,
und öppis, wo ds Härz ewig reut,
isch da und dert verborge.
- 3 -
Jez ha'n i wieder gredt mit dir
mängs ärnschts und heiters Wörtli,
und chönnt is ha, de wünscht i mir:
Möcht bliebe a däm Oertli.
Tenöre:
Und wenn's ou dert im Friedhof wär.
Klub:
Im allerängschte Hüsli,
de brächtisch du vom Gärtli här
mir ds allerliebschte Strüssli.