Früehligszyt
Hans Müller-Luchsinger
- 1 -
Ds letschte Schneeli isch vergange
ou im töifschte Schatteloch,
lang hei d'Blüemli müesse plange,
aber d'Sunne schafft's halt doch.
Übermüetig ruschet ds Bächli
ds Täli ab dür d'Bluemepracht.
Und der Gugger rüeft üs b'ständig:
lueg, das het der Früehlig gmacht.
- 2 -
Uf em Bank bim Lindeböimli
läbt ou ds Grosi z'friede uf.
D'Wintersorge flieh wie Tröimli,
ach wie het's doch g'wartet druf.
Und wie glänze müedi Ouge
wenn e frohe Jutz erklingt.
Ds Grosschind ihm als Dank ah Früehlig,
ds erschte Bluemestrüssli bringt.
- 3 -
Früehlig, du vertriebsch der Winter,
bringsch nöis Läbe mit dim Cho,
drum het's ou scho g'üebte Chilter
no der Ermel ine gnoh.
I dim Wärde lyt viel Säge,
s'blybt kei Platz für Zangg u Schtryt.
Bringsch üs Chraft u Muet entgäge,
ewig jungi Früehligszyt.