E schöne Tag
Josef Dubach
- C -
- 1 -
Wenn d'Sunne scho am Morge früeh
mi fründlech tuet begrüesse.
De schtahn i uuf, s'macht mir kei Müeh,
es isch e Fröid, kes Müesse
Ds Wasser plätschret dert bim Brunne,
s glänzt im Morgesunneschtrahl.
Uf dä Fälder ghörsch es Summe,
alls erwachet überall.
- 2 -
Es blüeit im Gärtli, s'isch e Pracht,
eis Blüemli näbem andre.
Derzue no heiter d Sunne lacht,
chumm mit, mir wei gah wandre.
Bi dä Böime uf dr Höchi,
hesch d Natur grad vor der zue.
Ghörsch und gsesch alls us der Nöchi,
s'tuet eim guet die bsundri Rueh.
- 3 -
Vo wytem ghörsch es föhlechs Tue,
es Singe und es Lache.
Da ghöre mir ou gärn derzue,
s'tuet allne s Härz ufmache.
Üse Heiwäg geit dür d Weide,
Gloggetöön und Sunnegluet.
Son e schöne Tag voll Fröide,
git üs Chraft und nöie Muet.