E Hand voll Heimatärde
Hannes Fuhrer
- 1 -
Ganz lys erwacht e junge Tag,
verschlafe geng no Dorf u Hütte.
Die erschti Vogelstimm im Hag,
laht z'Früehkonzärt ylüüte.
Es tropfet us em Bletterdach,
vom Gwitter us der letschte Nacht,
u Näbel schliche Geischterglich,
verstohle dür mis Heimatrych.
Refrain:
Ja Dörfli, bisch mis Glück, mis Hei,
mir läbtig la di nid allei!
- 2 -
Dert uf dr Egg bim Lindeboum,
da wei mir de e chli verwyle.
U lusche üsem Summertroum,
der Morgestimm, der fiine.
Es schmöckt so früsch u Ärdeguet,
nach nassem Härd u junger Bluescht,
es isch als hätti d'Gwitternacht,
ganz nöii Luft i d'Heimat bracht.
Refrain
- 3 -
Uf einisch wird es z'grächtem häll,
i Hus u Hof fahts afa lärme.
Vertrouti Tön us Schür u Stall,
die lah mis Härz erwäärme.
U hinter Wulche, lue die Pracht,
wie Guld, mir d'Sunn i d'Ouge lacht.
Oh Himmeltroscht, ghör i die Wort.
Du prächtig schöne Heimatort.
Refrain