Dr Bärgbach
Ernst Sommer
- 1 -
Us de Gletscher, us de Felse
springt dr Bärgbach wild dervo.
J de Schluchte ghörsch ne chrose,
ds Echo tönt im ewig noh.
Wie’n er gurglet wie’n er tuet,
voll vo Chraft und Übermuet.
Wie’n er gurglet wie’n er tuet,
voll vo Chraft und Übermuet.
- 2 -
Früeh am Tag und i de Nächte,
ohni Rascht und ohni Rueh.
Geit si Jagd dür alli Chräche
us em Bärg de Täler zue.
Luschtig über Stock und Stei,
ohni Meister starch und frei.
Luschtig über Stock und Stei,
ohni Meister starch und frei.
- 3 -
Us de Gletscher, us de Felse
springt dr Bärgbach wild i ds Tal.
Silber glänzt uf syne Wälle
früeh bim erschte Sunnestrahl.
Mag är ou voll Urueh sy,
spieglet doch der Himmel dry.
Mag är ou voll Urueh sy,
spieglet doch der Himmel dry.