Bärgluft

Jean Clémençon

- E -

- 1 -

Us de Tobel, us de Chräche
stosst der Föhn dür d'Bärge'n us,
d'Laui tose, Tanne bräche,
Schindle risst's vom alte Hus.
Bässe:
Ds Hüttli stöhnt bi all däm Gschätter,
d'Balke si halt afe alt: 
Klub:
U hei doch bi jedem Wätter
widerstande jeder Gwalt,
u hei doch bi jedem Wätter
widerstande jeder Gwalt.

- 2 -

Lueg di alti Wättertanne,
wo dert obem Gatter steit,
streckt der Tolder wie ne Fahne
über ds Hüttli gäg der Weid.
Bässe:
D'Würze stecke fescht im Bode,
will dä Felsblock obe druff: 
Klub:
Sich keis bitzli tuet verrode,
fescht steit d'Tanne gäge Luft,
sich keis bitzli tuet verrode, 
fescht steit d'Tanne gäge Luft.

- 3 -

Ja, der Bärgluft isch e Ruuche,
leit sich keiner Zügel a,
was er furt treit, muesch nümm sueche,
alls tuet är zu Fätze schlah.
Bässe:
Und doch chunnt mit jedem Tose
ou es bitzli Früehlig mit:
Klub:
Gli scho chasch de Glogge lose,
u de chunnt die schöni Zyt,
gli scho chasch de Glogge lose,
u de chunnt die schöni Zyt.

 

ZURÜCK ZUR LIEDAUSWAHL