Alphornruef
Alfons Gugler
- C, A, F -
- 1 -
Los, dert vom Staffel grad obe dr Flue
singt scho es Alphorn am Bärgmorge zue.
Tönt über Weide und Hütte i d’s Tal,
freut si am goldige Früesunne strahl.
Tönt über Weide und Hütte .....
- 2 -
D’Glogge u Treichle verklinge scho all,
D’Chälber u rinder di gange i Stall.
Nume no d’s Alphorn dert höch uf der Flue
jublet no lenger de Talböde zue.
Nume no d’s Alphorn…
- 3 -
Schliche am Abe de d’Schätte bärguf,
tönt zum Vernachte de Alpehornruef.
Bittet der Herrgott um gütige Wacht,
rüeft no dem Älpler äs härzlichs „Guet Nacht.“
Bittet der Herrgott um .........
- 4 -
Aber nie schöner das Alpehorn klingt
als we’s mit Freude de Sunntig i-singt.
S’tönt vo de Zagge, vo Chrache und Flue:
Bärge, o Bärge i g’seh euch nie gnue.
S’tönt vo de Zagge vo .............