Alp-Summer
Hans Walter Schneller
- G -
- 1 -
J's Bärgland isch der Summer cho,
mit ihm ou d'Lüt und d'Herde.
Bärgbluemematte blüeje scho,
e Pracht isch da im Wärde.
Drum jutzt der Senn us töifer Freud
singt s'eigne Lied derzue,
ou s'Vehli git enander B'scheid.
Spürsch du die Summerrueh?
- 2 -
Der Bärgluft ruscht dür d'Chräche'n us,
scharf pfyfft's dür Tannli düre.
Am Grat stöh wissi Chämmli uf,
s'Gwülch schiesst schwarz hindevüre.
Es Wätter chunnt hert über d'Flueh,
der Senn weiss gleitig B'scheid;
er geit und trybt gschwind ds Vehli zue,
bringt all's in Sicherheit.
- 3 -
Bald isch verby und d'Sunne treit
s'letscht Wülchli über d'Rüti;
am Bode zieht der Schatte breit
dür ds Bärgland us i d'Wyti.
S'isch grad als ob em Herrgott d'Hand
möcht sägne Weid und Tier.
Im früsche G'sicht glänzt ds Alpeland
viel schöner no als früeh'r.