Aemmitaler Alpuffahrt
Oskar Fr. Schmalz
- F -
- 1 -
Klub: Ja, der Früehlig isch jetz wieder
uf die schöne Bärge cho,
lat sech uf de Matte nieder,
ändlig chöi mer z'Alpe goh.
1. T.: Ja ho! Sä sä sä ho ja ho!
Klub: Tüet uf d'Tüüre, alli vüre,
g'seht ihr d'Sunne, jetz isch's g'wunne,
müesse o no d'Ruschtig lade,
näht die Treichle usem Gade
REFRAIN:
1. T.: Ja ho, sä sä sä ho, ja ho, ja ho.
2. T.: Ja ho sä Chueli, Chueli,
Chueli chumm, ja Chueli chumm!
1. B.: Ja ho sä Chueli, Chueli,
Chueli chumm, sä chumm,
ja Chueli chumm!
2. B.: Ja ho sä chumm,
ja Chueli chumm sä chumm.
- 2 -
Klub: Uese Muni treit der Meye,
üser Chüe d'Glogge'n a,
u sie stah scho i der Reye,
d'Buebe möi se chuum no bha.
1. T.: Ja ho! Sä sä sä ho ja ho!
Klub: Bruni wehr di, Rämu chehr di,
lah g'seh Vrone gang zur Chrone.
Lise, Tschägg u Freude zueche,
Lobeli, du chasch o ueche.
- REFRAIN -
- 3 -
Klub: Lueg jetz hei mer's scho erstritte,
mir si dobe'n uf em Grat,
g'höret ihr wie d'Glogge lüüte,
üser Hütte si parat.
1. T.: Ja ho! Sä sä sä ho ja ho!
Klub: Hürigs Jahr la mir voll Freude,
üsers Veh da obe weide;
liebe Herrgott, gib di Säge,
hie uf allne üse Wäge.
- REFRAIN -