Alpmorge
Robert Fellmann
- F -
- 1 -
E Alp im Summermorgefüür,
e Firn im Himmelblaue.
Und Gold uf Spier und Hüttedach
und Gold im Tann, uf jedem Bach,
me cha nüt schöners gschoue,
me cha nüt schöners gschoue.
- 2 -
E grüeni Weid im Morgetau,
a jedem Halm es Tröpfli.
Es grüesse eim schwarz, brun und grau,
es grüesse eim rot, wyss und blau,
viel tusig Bluemechöpfli,
viel tusig Bluemechöpfli.
- 3 -
Und we me das so alles g'seht,
vergisst me Gram und Sorge.
Öbs wohl am Bärg und Bärgluft lydt,
s'wird eim ums Härz so wohl und wyt,
im schöne Alpemorge,
im schöne Alpemorge.